Консультациялық пункттің жұмысы туралы

Консультациялық пункттер

Консультациялық пункттер мектепке дейінгі жастағы балаларды тәрбиелеу мен дамытуда отбасына көмек көрсетудің бір нысаны болып табылады.

Консультациялық пункттер мектепке дейінгі ұйымда жұмыс істейтін педагогтармен, психологтармен және басқа да мамандармен тұрақты қарым-қатынас жасау мүмкіндігі жоқ ата-аналарға психологиялық-педагогикалық көмек көрсетуге, сондай-ақ балалардың үйлесімді дамуына жәрдемдесуге арналған.

Ата-аналарға (заңды өкілдерге) арналған Консультациялық пункттің жұмысы білім беру саласындағы мемлекеттік саясат қағидаттарын іске асыруға, мектеп жасына дейінгі балаларды үйде тәрбиелеп отырған отбасыларға көмек көрсетуді қамтамасыз етуге бағытталған.

Мақсаты: мектеп жасына дейінгі балаларды үйде тәрбиелеп отырған отбасыларға Консультациялық және әдістемелік көмек көрсету.

Консультациялық пункт қызметі шеңберінде: диагностикалық көмек, Консультациялық көмек және ата-аналарға (заңды өкілдерге) әдістемелік көмек жүзеге асырылады.